„ამ რეზოლუციამ კიდევ ერთხელ დაგვანახა, რომ სწორედ რუსეთის ინტერესებში შედის პოლიტიკური პროცესის დესტაბილიზაცია, დემოკრატიისთვის ძირის გამოთხრა”, – ამის შესახებ საპარლამენტო უმრავლესობის წევრმა, არჩილ თალაკვაძემ აშშ-ის სენატის რეზოლუციის შეფასებისას განაცხადა,

„ზუსტად ამიტომ, ის რადიკალური პოლიტიკური პარტიები, რომლებიც თვეების განმავლობაში იყვნენ დაკავებული არჩევნებისთვის, პარლამენტისა და დემოკრატიისთვის ძირის გამოთხრით, საბოტაჟით, ემსახურებოდნენ რუსეთის ინტერესებს საქართველოში… ამას კიდევ ერთხელ ადასტურებს ეს პოლიტიკური რეზოლუცია, რომელიც სენატში გახლდათ ინიცირებული“, – აღნიშნა თალაკვაძემ.

ცნობისთვის, აშშ-ის სენატში სენატორები რონ ჯონსონის, ჯინ შაჰინისა და ჯიმ რიშის საქართველოს შესახებ ორპარტიული რეზოლუცია წარადგინეს, რომელშიც საქართველოში ყველა მხარეს 2021 წლის 19 აპრილს ხელმოწერილი ხელშეკრულების სწრაფი შესრულებისკენ მოუწოდებენ.