ჩვენ თუ რამე გვიკეთებია მხოლოდ ქვეყნის ინტერესებიდან გამომდინარე, – ამის შესახებ დავით გარეჯის საქმეზე ბრალდებულმა კარტოგრაფმა ივერი მელაშვილმა სასამართლო პროცესზე განაცხადა.
მისი თქმით, ის და ნატალია ილიჩოვა დავით გარეჯის საქმეში იოტისოდენად დამნაშავეებიც კი არ არიან.
„მინდა ხაზგასმით აღვნიშნო, რომ ამ საქმეში არც მე და არც ნატალია ილიჩოვა იოტისოდენად დამნაშავეები არ ვართ, ჩვენ თუ რამე გვიკეთებია მხოლოდ ქვეყნის ინტერესებიდან გამომდინარე. ბინძური ბრალდება იყო წამოყენებული. როგორც თავიდანვე, ახლაც დარწმუნებული ვარ, რომ ეს ემსახურება პოლიტიკურ მიზნებს და ქართული მხარის ინტერესების საზიანოდ არის მოწყობილი”, – აღნიშნა ივერი მელაშვილმა.
ცნობისთვის, თბილისის საქალაქო სასამართლოში ე.წ. კარტოგრაფების საქმეზე პროცესი მიმდინარეობს.
