აშშ-ის სახელმწიფო დეპარტამენტმა რუსეთის უსაფრთხოების ფედერალური სამსახური („ეფესბე“) რუსი ოპოზიციონერის, ალექსეი ნავალნის მოწამვლაში დაადანაშაულა.
„აშშ მიიჩნევს, რომ „ეფესბეს“ თანამშრომლებმა ნერვულ-პარალიტიკური აგენტი „ნოვიჩოკი“ გამოიყენეს ალექსეი ნავალნის მოწამვლის მიზნით. ალექსეი ნავალნის მოწამვლის სხვა დამაჯერებელი ახსნა-განმარტება არ არსებობს, გარდა იმისა, რომ ამაში რუსეთის ხელისუფლება მონაწილეობდა“, – განუცხადეს ამერიკულ გამოცემა The Hill-ს აშშ-ის სახელმწიფო დეპარტამენტში.
უწყებაში აღნიშნავენ, რომ რუსეთის მთავრობა და ვლადიმერ პუტინი ცდილობენ, მსოფლიო დაარწმუნონ იმაში, რომ აღნიშნულ ინციდენტთან კავშირი არ აქვთ.
