ვირჯინიის შტატში ფლოიდის მკვლელობის გამო გამართული საპროტესტო აქციის მონაწილეებმა ქრისტეფორე კოლუმბის ძეგლი ტბაში გადააგდეს. ინფორმაციას ამის შესახებ The Independent-ი ავრცელებს.

თოკების გამოყენებით აქციის მონაწილეებმა ძეგლი პოსტამენტიდან ჩამოაგდეს და ტბაში გადააგდეს.
ძეგლის ადგილზე დემონსტრანტებმა განათავსეს წარწერა: „კოლუმბი წარმოადგენს გენოციდს “.

ცნობისვის, 9 ივნისს ბელგიის ქალაქ ანტვერპენში რასიზმთან ბრძოლის ფარგლებში მეფე ლეოპოლდ II-ის ძეგლიც მოხსნეს.

შეგახსენებთ, რომ პოლიციის ოფიცრის ქმედებას შეწირული ჯორჯ ფლოიდი მშობლიურ ქალაქ ჰიუსტონში 9 ივნისს დაკრძალეს.

ჯორჯ ფლოიდის სიკვდილს აშშ-ში პროტესტი და არეულობდა მოჰყვა. აქციები ძალადობისა და რასობრივი დისკრიმინაციის წინააღმდეგ მიმდინარეობდა.

რამდენიმედღიანი საპროტესტო გამოსვლების შემდეგ, ვაშინგტონის საოლქო საბჭომ პოლიციის რეფორმის გეგმა დაამტკიცა.

ჰიუსტონის მერმა 9 ივნისი ფლოიდის დღედ გამოაცხადა.