AstraZeneca-ს ვაქცინით მიღებული სარგებელი აჭარბებს შესაძლო ზიანს – ამის შესახებ ალერგოლოგ-იმუნოლოგმა ბიძინა კულუმბეგოვი “რუსთავი 2-თან განაცხადა.
მისივე თქმით, ვაქცინის ის კონკრეტული პარტია, რომელიც საქართველოში ჩამოდის, არანაირ ეჭვს არ იწვევს.
“მიუხედავად იმისა, რომ ეს შემთხვევები კვლევის პროცესშია და ჯერ არავის მიზეზშედეგობრივი კავშირი არ დაუდასტურებია, ამ ეტაპისთვის აჭარბებს სარგებელი ამ ვაქცინით გამოწვეული და მიღებული, ვიდრე ის შესაძლო ზიანი, რაც შეიძლება მასთან იყოს. ეს კონკრეტული პარტია კორეული წარმოების იქნება, შესაბამისად, რაიმე ამ პარტიასთან კავშირი რომელიც ეჭვს იწვევს ევროკავშირის ქვეყნებში, ჯერჯერობით არ არსებობს. მე ვფიქრობ, რომ თუ არ იქნება კოვაქსისგან ან ჯანმრთელობის მსოფლიო ორგანიზაციისგან, რომლის ქოლგის ქვეშ არის კოვაქსი და ყველა სხვა პლატფორმა, რაიმე მითითება ვაქცინაციის პროცესის გადავადებასთან დაკავშირებით, ქვეყანამ ეს არ უნდა გააკეთოს და ვაქცინაცია უნდა დავიწყოთ ისე, როგორც აუცილებელია და ეროვნული გეგმით არის გაწერილი,” – აცხადებს ბიძინა კულუმბეგოვი.
