საქართველოში ჯანდაცვას აქვს სერიოზული პრობლემები, – ამის შესახებ გაეროს გენერალური მდიოვნის მრჩეველი, პროფესორი გიორგი ფხაკაძე სოციალურ ქსელში წერს.
ფხაკაძე ჯანდაცვის სისტემაში არსებულ პრობლემებზე დეტალურად საუბრობს და გამოსწორების გზებს ვთავაზობთ.
“საქართველოში ადამიანების საკმაოდ დიდი % კვდება რეანიმაციაში, როცა ისინი არ უნდა კვდებოდნენ. ეს ნიშნავს, რომ თავად ჯანდაცვის სისტემაა ავად და სჭირდება დახმარება.
უნდა დადგინდეს ახალციხეში მომხდარი ტრაგიკული ფაქტის ყველა მიზეზი იმისათვის, რომ შემდგომში იგივე შეცდომა არსად დავუშვათ –
ვაქცინაციის შემდეგ ახალციხეში მედიცინის მუშაკის გარდაცვალების ტრაგიკულმა ფაქტმა საჯაროდ ამოატივტივა ჯანდაცვის სექტორში არსებული სერიოზული პრობლემები.
სისტემის მოუმზადებლობა, ტრენინგების არჩატარება, ჯანდაცვის მუშაკების დაბალი ანაზღაურება – საქართველოში ჯანდაცვას აქვს სერიოზული კომპლექსური პრობლემები, რომლებიც წლებია, არსებობს, მაგრამ მათ მოგვარებას არავინ მოჰკიდა ხელი და არ თქვა, რომ მაგალითად, ექიმებს სჭირდებათ უწყვეტი სამედიცინო განათლება.
ასევე, არავინ საუბრობს შემდეგზე – ექიმებს უნდა ჰქონდეთ ისეთი ანაზღაურება, რომ არ სჭირდებოდეთ რამდენიმე ადგილას მუშაობა. ექიმებს უნდა ჰქონდეთ შესაბამისი სამუშაო პირობები. ჯანდაცვის სამინისტრო კი, იმის ნაცვლად, რომ აღიაროს შეცდომები, შეცდომებზე ახალ შეცდომებს ამატებს. ის, რაც ხდება კონკრეტულად, ვაქცინაციის პროცესთან დაკავშირებით, მსოფლიოს ჩამორჩენილ ქვეყნებშიც კი არ ხდება.
ჯანდაცვის სამინისტრო და დაავადებათა კობტროლის ეროვნული ცენტრი – ესენი არიან საქართველოში ყველაზე დიდი ანტივაქსერები, რადგანაც გააკეთეს ყველაფერი, რომ ადამიანებს არ ჰქონოდათ სწორი ინფორმაცია, ვაქცინაციის პროცესი ყოფილიყო არასწორად მართული , ფაქტიურად არ მიმდინარეობს ვაქცინაციის კვალიფიციური საინფორმაციო კამპანია.
რა უნდა გაკეთდეს?
1.პირველ რიგში, უნდა იყოს პროფესიონალიზმი ყველაფერში, თან ჩვეულებრივი კი არა, უმაღლესი პილოტაჟის პროფესიონალიზმი.
2.უსაფრთხოება ჯანდაცვის სისტემაში ყველგან 1000%-ით უნდა იყოს უზრუნველყოფილი. თუ რაიმე საკითხი საეჭვოა, პროცესი დროებით უნდა შეჩერდეს და არა გაჩერდეს. უნდა შეჩერდეს, გასწორდეს, მოწესრიგდეს დ შემდეგ გაგრძელდეს.
3.აუცილებელია, ვაქცინაცია იყოს ნებაყოფლობითი. ადამიანს უნდა ჰქონდეს საშუალება, მიიღოს სწორი ინფორმაცია, შემდეგ მიიღოს გადაწყვეტილება და იგრძნოს პასუხისმგებლობა. მედიასივრცეში უნდა იყოს ღია დიალოგი ანტივაქსერებსა და ვაქცინის პროპაგანდისტებს შორის, რომ საზოგადოებამ შეძლოს სრულყოფილი ინფორმაციის მიღება. მთავარია, დიალოგი იყოს ღია, გამჭვირვალე და არაფერი დავმალოთ. ამაში განსაკუთრებით დიდია მედიის როლი და მედიასაშუალებებს ამ საქმეში დახმარებას გთხოვთ.
რჩევები მოსახლეობას ვაქცინაციასთან დაკავშირებით:
1.55 წლის ქვემოთ ასაკის ადამიანმა “ასტრაზენეკათი” ვაქცინაციისგან თავი უნდა შეიკავოს. ამ ასაკს ქვემოთ უნდა იყოს გამოყენებული, მაგალითად, „ფაიზერის“ ვაქცინა.
2.არსებობს მედიკამენტების ჩამონათვალი, რაც ასაცრელმა პირმა ცვაქვინაციამდე 2 კვირით ადრე არ უნდა მიღოს. ამის შესახებ ინფორმაცია მოქალაქეს უშუალოდ ექიმმა უნდამიაწოდოს.
3.კატეგორიულად აკრძალულია ვაქცინაციამდე 2 დღით ადრე და ვაქცინის გაკეთების შემდეგ 2 კვირა ალკოჰოლის მიღება. საუკეთესო, თუ მოქალაქე ვაქცინის მეორე დოზის გაკეთებამდე ალკოჰოლისგან თავს შეიკავებს.
4.ვაქცინის გაკეთების შემდეგ პირველი 15 წუთი პაციენტი უნდა იყოს განსაკუთრებული დაკვირვების ქვეშ. სასურველია, რომ აცრილმა პირმა სამედიცინო დაწესებულება ვაქცინის გაკეთებიდან მხოლოდ 45 წუთის შემდეგ დატოვოს 5.მოქალაქემ უნდა მოითხოვოს, რომ ვაქცინის ბარათში ჩაუწერონ გაკეთებული ვაქცინის სერიული ნომერი.”, – წერს გიორგი ფხაკაძე.
