აჭარის ავტონომიური რესპუბლიკის ახალარჩეული უმაღლესი საბჭოს პირველი სხდომა ხვალ 15 დეკემბერს 12 საათზე გაიმართება.

ხვალ სხდომაზე დღის წესრიგით გათვალისწიებულ ათ საკითხს განიხილავენ, მათ შორის,

აჭარის ავტონომიური რესპუბლიკის უმაღლესი საბჭოს დროებითი ხმის დამთვლელი კომისიის არჩევა;

აჭარის ავტონომიური რესპუბლიკის უმაღლესი საბჭოს დროებითი სამანდატო კომისიის არჩევა;

აჭარის ავტონომიური რესპუბლიკის უმაღლესი საბჭოს არჩევნების შედეგების შესახებ აჭარის ავტონომიური რესპუბლიკის უმაღლესი საარჩევნო კომისიის თავმჯდომარის ინფორმაციის მოსმენა;

აჭარის ავტონომიური რესპუბლიკის უმაღლესი საბჭოს დროებითი სამანდატო კომისიის მოხსენება უმაღლესი საბჭოს წევრთა უფლებამოსილების ცნობისათვის საჭირო დოკუმენტაციის შესწავლის შედეგების შესახებ.

ასევე, აჭარის ავტონომიური რესპუბლიკის უმაღლესი საბჭოს წევრთა უფლებამოსილების ცნობა;

აჭარის ავტონომიური რესპუბლიკის უმაღლესი საბჭოს დროებითი სამანდატო კომისიის მოხსენება უმაღლესი საბჭოს ფრაქციების რეგისტრაციის თაობაზე;

აჭარის ავტონომიური რესპუბლიკის უმაღლესი საბჭოს თავმჯდომარის არჩევა;

აჭარის ავტონომიური რესპუბლიკის უმაღლესი საბჭოს თავმჯდომარის მოადგილის არჩევა;

აჭარის ავტონომიური რესპუბლიკის უმაღლესი საბჭოს კომიტეტების წევრთა რაოდენობის განსაზღვრისა და უმაღლესი საბჭოს კომიტეტებში პროპორციული წარმომადგენლობის კვოტების დამტკიცება და

აჭარის ავტონომიური რესპუბლიკის უმაღლესი საბჭოს კომიტეტების თავმჯდომარეების არჩევა.

შეგახსენებთ, აჭარაში 31 ოქრტომბრის არჩევებში 5% ბარიერი ორმა პარტიამ, “ქართული ოცნება დემოკრატიული საქართველო” და “ერთიანი ნაციონალური მოძრაობა გაერთიანებული ოპოზიცია ძალა ერთობაშია” გადალახა.

შესაბამისად, უმაღლეს საბჭოში „ქართული იცნება“ 14 დეპუტატით, ხოლო გაერთიანებული ოპოზიცია 7 დეპუტატით არის წარმოდგენილი.

ოპოზიციონერი დეპუტატები პროტესტუს ნიშნად მანდატებზე უარს აცხადებენ და ხელახალი არჩევნების მოთხოვნით აჭარის მთავრობის სახლთან 41 დღეა 24 საათიან რეჟიმში აქციებს მართავენ.

ავტორი: ნაირა ქობულაძე