გარდაცვლილი 23 წლის თამარ ბაჩალიაშვილის მამა, ჯუმბერ ბაჩალიაშვილი ვარაუდობს, რომ მისი შვილი “აწამეს და მოკლეს“.
„ხუთი დღეა ვეხვეწები, ბავშვი დავკარგე ხალხო, ვითომ ეძებენ, გაძღებიან, სვამენ და ვიყავითო მეუბნებიან. ერთ ადგილას ვიყავითო გვითხრეს, მივედი იმ ადგილას, სოფელში და აქ პოლიცია არ ყოფილა დღესო. არ ვიცით, ბავშვს აქვს თუ არა დაზიანებები. აწამეს და მოკლეს ბავშვი, ასპროცენტიანია. აქედან მოტყუებით გაიყვანეს. სამსახურში ზეწოლის ქვეშ იყო. ან მეორე ვერსიაა, სხვა ვარიანტი, ვინმე ბიჭმა მოიტაცა. სამსახურზე ვფიქრობ უფრო, იქიდან რომ მოდიოდა სულ აგრესიული იყო, ორჯერ -სამჯერ ტიროდა კიდეც“, – ამბობს ჯუმბერ ბაჩალიაშვილი.
შეგახსენებთ, რომ სამართალდამცველებმა 23 წლის თამარ ბაჩალიაშვილი თეთრიწყაროში, საკუთარ მანქანაში გარდაცვლილი იპოვეს.
ასევე, თამარ ბაჩალიაშვილმა გაუჩინარებამდე 2 დღით ადრე სამსახური დატოვა. შპს „ზეგ“-ის დირექტორმა რამდენიმე საათის წინ განცხადება გაავრცელა და განმარტა რას საქმიანობს აღნიშნული კომპანია.
23 წლის თამარ ბაჩალიაშვილი თეთრიწყაროს ტყეში, მანქანაში გარდაცვლილი იპოვეს
