ქობულეთის შემოვლით გზაზე ორი მსუბუქი ავტომობილის შეჯახების შედეგად შვიდი ადამიანი დაშავდა, მათ შორის ერთის მდგომარეობა მძიმეა.
სამი პაციენტი კლინიკა ბმს-ში იმყოფება.
„ჩვენს კლინიკაში შემოიყვანეს სამი პაციენტი. სამივე მამაკაცი. ორი პაციენტის მდგომარეობა არის მძიმე. განსაკუთრებულად ერთი პაციენტის მდგომარეობა არის კრიტიკულად მძიმე. არასტაბილური ჰემოდინამიკის გამო გადაყვანილია მართვით სუნთქვაზე. ორ პაციენტს აღენიშნება ძვლების მრავლობითი მოტეხილობა. ერთი პაციენტის მდგომარეობა ფასდება, როგორც საშუალო სიმძიმის. ჩაუტარდათ ყველა კლინიკოლაბორატორიული კვლევა. ამჟამად მიმდინარეობს პაციენტების შესაბამისი მკურნალობა“,- აცხადებენ კლინიკა ბმს-ში.
ორი პაციენტი კლინიკა „მედინაშია“ მოთავსებული.
„ორივეს მდგომარეობა სტაბილურია, მიმდინარეობს კვლევები. ერთი 33 წლის, ხოლო მეორე 34-ის. ორივე მამაკაცია. ჩაუტარდათ ექოსკოპირი კვლევა და ახლა მაღალტექნოლოგიურ კვლევებს უტარებრნ“,- აცხადებენ „მედინაში“.
ორი ბათუმის რეფერალურ საავადმყოფოშია. შეგახსენებთ, შემთხვევა ქობულეთის შემოვლით გზაზე მოხდა. ერთმანეთს მერსედესის და ფოლკსვაგენის მარკის ავტომობილები შეეჯახა.
შს სამინისტრომ ფაქტზე გამოძიება სისხლის სამართლის კოდექსის 276-ე მუხლის მე-2 ნაწილით დაიწყო, რაც გულისხმობს ავტომობილის ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას, რამაც ჯანმრთელობის ნაკლებად მძიმე დაზიანება გამოიწვია.
