აზერბაიჯანის ხელისუფლება სომხეთს ვაშინგტონის ჩართულობით მიღწეული ცეცხლის შეწყვეტის შეთანხმების დარღვევაში ადანაშაულებს. ინფორმაციას აზერბაიჯანული მედია ავრცელებს.
გამოცემის ცნობით, ზავის ამოქმედებიდან რამდენიმე წუთში სომხეთის შეიარაღებულმა ძალებმა აზერბაიჯანის არმიის დანაყოფზე საარტილერიო შეტევა ლაჩინის მხრიდან განახორციელეს.
თავის მხრივ, სომხეთი ზავის დარღვევაზე აზერბაიჯანის ბრალდებებს უარყოფს და ცეცხლის შეწყვეტის რეჟიმის დარღვევაში აზერბაიჯანს ადანაშაულებს.
შეგახსენებთ, რომ მთიან ყარაბაღში 26 ოქტომბერს ჰუმანიტარული ზავი ამოქმედდა.
ჰუმანიტარული ცეცხლის შეწყვეტა ძალაში 2020 წლის 26 ოქტომბერს 08:00 საათზე შევიდა.
