“ბადრი ესებუა ნამდვილად საქართველოშია, მას ქვეყანა არ დაუტოვებია. გამოძიება მიმდინარეობს და დეტალებზე, სამწუხაროდ, ღიად ვერ ვისაუბრებ” – ამის შესახებ შს მინისტრმა, ვახტანგ გომელაურმა ჟურნალისტებთან საუბრისას განაცხადა.
მისი თქმით, “საქართველოს ბანკზე” თავდამსხმელის, ბადრი ესებუას ადგილ-სამყოფელის დადგენის მიზნით, საგამოძიებო მოქმედებები მიმდინარეობს.
“ბადრი ესებუა ნამდვილად საქართველოშია, მას ქვეყანა არ დაუტოვებია. გამოძიება მიმდინარეობს და დეტალებზე, სამწუხაროდ, ღიად ვერ ვისაუბრებ. ჩვენ ვმუშაობთ და თუ ვინმეს ყველაზე მეტად უნდა, რომ ეს ადამიანი დააკავოს, ეს ჩვენ გვინდა და შინაგან საქმეთა სამინისტროს უნდა, რა თქმა უნდა“, – აცხადებს მინისტრი.
შეგახსენებთ, რომ ზუგდიდში, „საქართველოს ბანკის“ ფილიალს ბადრი ესებუა თავს 2020 წლის 25 ოქტომბერს დაესხა. მომხდარზე გამოძიება 236-ე, 323-ე და 329-ე მუხლებით მიმდინარეობს, რაც ტერორისტულ აქტს, მძევლად ხელში ჩაგდებას ტერორისტული მიზნით და ცეცხლსასროლი იარაღის უკანონოდ შეძენა-შენახვა-ტარებას გულისხმობს.
