ლიეტუვა, ლატვია და ესტონეთი ბელარუსის წინააღმდეგ სანქციებს ამკაცრებენ. ამის შესახებ ლიეტუვის საგარეო საქმეთა მინისტრი, ლინას ლინკევიჩუსი სოციალურ ქსელ Twitter-ზე წერს.

„ლიეტუვამ, ლატვიასა და ესტონეთთან ერთად სანქციები დამატებით 28 პირს დაუწესა, რომლებსაც ბელარუსში დემონსტრანტების წინააღმდეგ ძალადობასთან, მათ შორის ბონდარენკოს გარდაცვალებასთან კავშირი აქვთ. თუ სისასტიკე არ შეწყდება, ჩვენ სანქციებს გავაფართოებთ“,- წერს ლინკევიჩუსი.

შეგახსენებთ, რომ საპროტესტო გამოსვლები ბელარუსში 9 აგვისტოდან გრძელდება, მას შემდეგ რაც საპრეზიდენტო არჩევნებში ალექსანდრ ლუკაშენკოს გამარჯვების შესახებ განაცხადეს. ქვეყანაში მასობრივი დემონსტრაციები კვირაობით იმართება.

In coordination with ????, Lithuania sanctioned additional 28 individuals involved in the violence against protestors in #Belarus, inclu in the death of R.Bandarenka. If brutality doesn't stop, we'll expand sanctions. ‘New normal’ thrusted by outgoing leadership is not an option pic.twitter.com/wREG2q9a2L

— Linas Linkevicius (@LinkeviciusL) November 20, 2020