გუშინ ბათუმში კომენდანტის საათის დროს მიმდინარე საპროტესტო აქციაზე განხორციელებულ დაკავებებთან დაკავშირებით სახელმწიფო ინსპექტორის აპარატმა გამოძიება დაიწყო.
როგორც უწყების პრესცენტრში „პრაიმტაიმნიუსს” განუცხადეს, გამოძიება სისხლის სამართლის კოდექსის 333-ე მუხლის მესამე ნაწილით დაიწყო, რაც სამსახურებრივი უფლებამოსილების გადამეტებას ძალადობით გულისხმობს.
ამ ეტაპზე მიმდინარეობს საგამოძიებო მოქმედებები.
შეგახსენებთ, გუშინ ბათუმში კომენდანტის საათის დროს საპროტესტო აქცია გაიმართა. სიტყვიერი და ფიზიკური დაპირისპირების შედეგად პოლიციამ 11 პირი დააკავა და 2000-2000 ლარით დააჯარიმა კომენდანტის საათის დარღვევისთვის. ხოლო დღეს დაკავებულები ბათუმის საქალაქო სასამართლოს მოსამართლე კობა გოცირიძემ ჯარიმის სანაცვლოდ გაათავისუფლა.
როგორც აქციის მონაწილეები აცხადებენ, პოლიციამ დაკავების დროს მათზე ფიზიკურად იძალადა.
ავტორი; ნაირა ქობულაძე
