ბათუმში ერთ-ერთი კომპანიის დირექტორი თანხის აღების სანაცვლოდ „C“ და „D“ კატეგორიის ყალბ მართვის მოწმობებს ამზადებდა. ფაქტი ფინანსთა სამინისტროს საგამოძიებო სამსახურმა გამოავლინა.
„გამოძიებით დადგენილია, რომ ბრალდებულმა, რომელიც იყო ბათუმში მოქმედი ერთ-ერთი კომპანიის დირექტორი, თანხის სანაცვლოდ, დაამზადა და გაასაღა ავტოსკოლის „C“ და „D“ კატეგორიის ყალბი მოწმობები, თითქოსდა მოქალაქეს გავლილი ჰქონდა სატვირთო მანქანის და ავტობუსის მართვის შესაბამისი კურსები.
გამოძიება მიმდინარეობს საქართველოს სისხლის სამართლის კოდექსის 362-ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას 3 წლამდე ვადით“, – აღნიშნულია ინფორმაციაში.
