დღეს ბათუმში მძღოლებმა აქცია გამართეს და საწვავის ფასის მატება გააპროტესტეს.
როგორც აქციის მონაწილეები აცხადებენ, ბათუმში უკვე მესამედ შეიკრიბნენ და საწვავის გაძვირებას აპროტესტებენ, თუმცა ქმედითი ნაბიჯები არ გადაიდგა და მათი პრობლემა არ მოგვარდა
.
„მსგავსი აქცია საქართველოს ყველა რეგიონში ტარდება. ჩვენ ველოდებოდით პასუხს, მაგრამ პასუხი არ არის. გვინდა მთავრობის დახმარება. გავაგრძელებთ აქციებს, სანამ დადებით პასუხს არ მივიღებთ. ჩვენი დიდი პრობლემა არის საწვავის ფასი. ისედაც მძიმე მდგომარეობაში ვართ და კიდევ უფრი ცუდ დღეში აღმოვჩნდით. მოვუწოდებთ ყველას, გამოვიდეს მანქანით თუ ფეხით და გვერდით დაგვიდგნენ, რადგან ეს ყველას პრობლემაა, საწვავის ფასის მატებასთანაა დაკავშირებული პროდუქტების ფასის მატებაც”- აცხადებენ აქციის მონაწილეები.
აქციის მონაწილეები ერთკვირიან ვადას აძლევენ ხელისუფლებას, ხოლო მოთხოვნების შეუსრულეობის შემთხვევაში პერმანენტულ აქციებსა და გზის გადაკეტვას აანონსებენ.
ავტორი: ნაირა ქობულაძე
