დღეს ბათუმში ერას მოედანზე მუსიკოსებმა და მომღერლებმა, რომლებიც სხვადასხვა რესტორანში იყვნენ დასაქმებულები, მუშაობის უფლების მოთხოვნით აქცია-პერფორმანსი გამართეს.
როგორც აქციის მონაწილეები აცხადებენ, ერთ წელზე მეტია უმუშევარი არიან, რამაც ისინი მძიმე ფინანსურ მდგომარეობაში ჩააგდო და შემოსავლის წყაროს გარეშე დატოვა.
ისინი ხელისუფლებას თხოვენ, მიეცეთ რესტორნებში სიმღერის უფლება, წინააღმდეგ შემთხვევაში კი პერმანენტულ აქციებს აანონსებენ.
„დღეს ჩვენ შევიკრიბეთ, გვაქვს მოთხოვნა რესტორნებში მოგვცენ სიმღერის უფლება. არაფერი არ შავდება იმით, თუ ჩვენ ვიმღერებთ. ამას კორონასთან არაფერი კავშირი არ აქვს. რესტორნებში იყო დაშვებული მუსიკა, რამდენიმე დღეში აკრძალეს. მუსიკა თურმე ვირუსს ავრცელებს.
მოგვცენ მუშაობის საშუალება, ჩვენ ამით ვარსებობთ, ეს არის ჩვენი ერთადერთი შემოსავალი.
ეს არის მშვიდობიანი აქცია, ვიმღერებთ და დავიშლებით. ეს იქნება მესიჯი ხელისუფლებისათვის, რომ მოგვაქციონ ყურადღება. თუ არ მოგვაქცევენ ყურადღებას, ფართომასშტაბიან აქციებს დავიწყებთ.”- აცხადებს მუსიკოსი ლარგო ბოლქვაძე.
ავტორი: ნაირა ქობულაძე
