ყარაბაღის კონფლიქტის ამსახველი შემზარავი ვიდეოკადრები 15 ოქტომბერს აზერბაიჯანულ სოციალურ ქსელებში გავრცელდა, სადაც ასახულია სამხედრო ტყვეების დახვრეტის ფაქტები.
ეს ვიდეოები აზერბაიჯანელი სამხედრო პირების წინააღმდეგ მეტყველებს, რადგან სასამართლოს გარეშე ტყვეების დასჯა სამხედრო დანაშაულია. ამ კადრების ნამდვილობას უცხოური მედია საშუალება ადასტურებს.
„ერთზე ნაჩვენებია ორი სომეხი მძევლის აყვანა აზერბაიჯანელი ჯარისკაცების მიერ. ხოლო მეორე ვიდეოზე ასახულია ორი ადამიანის საჩვენებელი დახვრეტა, რომელთაც იგივე ტანსაცმელი აცვიათ, რაც პირველ ვიდეოში გადაღებულ ტყვეებს. მას შემდეგ, რაც ვიდეორგოლები პოპულარული გახდა, ისინი სოციალური ქსელებიდან აიღეს.
ამ ინფორმაციის ნამდვილობა აზერბაიჯანის თავდაცვის სამინისტრომ მალევე უარყო და განაცხადეს, რომ ეს მათი ჯარის წინააღმდეგ მოწყობილი პროვოკაციაა.
ამ კადრებს დიდი გამოხმაურება მოჰყვა. BBC- მ შეისწავლა ორივე ვიდეო. გავლენიანმა მედია საშუალებამ გადაღების გეოლოკაციის მეშვეობით დაადგინა, რომ მამაკაცი, რომელიც ორივე ვიდეოში ბრძანებებს იძლევა, არის აზერბაიჯანულ ენოვანი, რეგიონალური აქცენტით, ვიდეოში სამხედრო ტყვეებს სიკვდილით სჯიან.
BBC-ს ცნობით, პირველი ვიდეო გადაღებულია ჰადრუთის ჩრდილოეთ გარეუბანში, მეორე კი – ქალაქის სამხრეთით მდებარე პარკში.
მაგრამ ისინი ნამდვილია?
BBC- მ შეისწავლა კლიპები და დაადასტურა, რომ ისინი გადაღებულია ჰადრუთში, ქალაქში, სადაც ინტენსიური ბრძოლებია. ეს არის სამხრეთ მთიან ყარაბაღში, ფუზულის მახლობლად.
სავარაუდოდ, ვიდეოები ჩაიწერა 9-15 ოქტომბერს. აზერბაიჯანმა განაცხადა, რომ ჰადრუტი 9 ოქტომბერს იქნა აღებული, თუმცა მოგვიანებით გაირკვა, რომ სანამ ისინი ქალაქის გარშემო რამდენიმე სტრატეგიულ სიმაღლეს აიღებდნენ, 12 ოქტომბერს კვლავ მიმდინარეობდა სასტიკი ბრძოლა ქალაქის კონტროლისთვის.
პირველი ვიდეოები, სადაც ჩანს აზერბაიჯანის ჯარი ქალაქის ცენტრში, გამოჩნდა 15 ოქტომბერს.” – წერს BBC.
რას ითხოვს BBC?
სასამართლოს გარეშე ტყვეების სიკვდილით დასჯა სამხედრო დანაშაულია. BBC-მ მოთხოვნები გაგზავნა გაეროს ადამიანის უფლებების უზენაესი კომისრის ოფისში, ევროპის საბჭოს ადამიანის უფლებების კომისრის ოფისში, ასევე, საერთაშორისო წითელი ჯვრის კომიტეტში.
„ევროპის საბჭოს ადამიანის უფლებების კომისარი ყურადღებით აკვირდება ვითარებას, შეისწავლის ყველა ბრალდებას ადამიანის უფლებების უხეშ დარღვევებთან დაკავშირებით და ზომებს მიიღებს, როცა მიზანშეწონილად მიიჩნევს“, – უპასუხეს BBC-ს პრესცენტრში.
აზერბაიჯანის გენერალური პროკურატურა იუწყებოდა, რომ ვიდეოების პუბლიკაციასთან დაკავშირებით დაწყებულია გამოძიება, მოგვიანებით კი უწყებამ განაცხადა, რომ გამოძიება დასრულდა, ვიდეოები კი ყალბადაა მიჩნეული.
