ბელგიის ქალაქ ლიეჟიში კოვიდ შემთხვევების ზრდის გამო , ექიმებს მუშაობის გაგრძელებას სთხოვენ მაშინაც თუ ისინი კორონავირუსით არიან ინფიცირებულნი. ამის შესახებ BBC წერს.
არსებული ინფორმაციით, ქალაქში სამედიცინო პერსონალის თითქმის მეოთხედი Covid-19-ით არის დაინფიცირებული.
10-მა საავადმყოფომ სთხოვა, სამედიცნო სფეროს იმ თანამშრომლებს, რომლებსაც ვირუსი დაუდასტურდათ, თუმცა სიმპტომები არ აღენიშნებათ, მუშაობის ჩვეულ რეჟიმში გააგრძელონ.
ბელგიის სამედიცინო კავშირების ასოციაციის ხელმძღვანელმა BBC- ს განუცხადა, რომ მათ სხვა არჩევანი არ აქვთ, რადგან, წინააღმდეგ შემთხვევაში, ჰოსპიტალური სისტემის რამდენიმე დღეში კოლაფსი ელოდება.
ცნობისთვის, ბოლო მონაცემებით, ბელგიაში კორონავირუსის 321 031 შემთხვევაა დადასტურებული, აქედან გამოჯანმრთელებულია 23 087 და დაღუპულია 10 810 ადამიანი.
