„პანდემიებისთვის მომზადება ისევე სერიოზულად უნდა იყოს აღქმული, როგორც ომის საშიშროება“,- ამის შესახებ Microsoft-ის დამფუძნებელმა, ბილ გეიტსმა განაცხადა.
მიუხედავად იმისა, რომ კორონავირუსის პანდემია ჯერ კიდევ არ დასრულებულა, ბილ გეიტსს აქვს გარკვეული იდეები იმის შესახებ, თუ როგორ უნდა გაუმკლავდეს მსოფლიო მომავალ პანდემიებს.
გეიტსის თქმით, მსოფლიომ ყოველწლიურად მომავალი პანდემიებისთვის მოსამზადებლად მილიარდობით დოლარი უნდა გამოყოს.
„ვფიქრობ, რომ ეს საუკეთესო და ყველაზე ეფექტური სადაზღვევო პოლისია, რომლის შეძენაც მსოფლიოს შეუძლია”, – აცხადებს გეიტსი.
3 სტრატეგია, რომელიც ბილ გეიტს მიაჩნია, რომ მომავალ პანდემიების დროს მსოფლიოს დაეხმარება:
1) მეგა-ტესტირება და სწრაფი მკურნალობა
„იმედი მაქვს, რომ მომავალი პანდემიის დროს გვექნება ის, რასაც მეგადიაგნოსტიკურ პლატფორმას უწოდებენ, რომლის საშუალებითაც კვირაში მოსახლეობის 20%-ის ტესტირება იქნება შესაძლებელი“,- განაცხადა გეიტსმა.
გეიტსის განცხადებით, ტესტირების გარდა აუცილებელია თერაპიული მკურნალობის მეთოდები, მაგალითად როგორიცაა მონოკლონური ანტისხეულების თერაპია, რომელმაც კოვიდთან ბრძოლაში ეფექტურობა აჩვენა და სიკვდილიანობის რისკი შეამცირა.
ბილ გეიტსი იმედოვნებს, რომ RNA ვაქცინების ეფექტურობა გაიზრდება.
„ვფიქრობ, რომ mRNA ვაქცინების განვითარება და მისი 5-10 წლის განმალობაში შენახვა უფრო მარტივი იქნება“,- განაცხადა გეიტსმა.
2) ინფექციონისტთა ჯგუფი, რომელიც ვირუსის აფეთქებებს მალევე შენიშნავს
დეკემბრის დასაწყიში, გეიტსმა განაცხადა, რომ საჭიროა ინფექციონისტთა 3 000-იანი ჯგუფის არსებობა, რომლებიც სწრაფადვე შენიშნავენ პანდემიის საშიშროებას და მის შესახებ ინფორმაციას მალევე მიაწვდიან შესაბამის ორგანოებს.
გეიტსის თქმით, უნდა შეიქმნას ე.წ. მასშტაბური „გლობალური განგაშის სისტემა“,რომლის საშუალებითაც სამედიცინო პერსონალს პაციენტების მონაცემების აღრიცხვა და ტენდენციების სწრაფად იდენტიფიცირება შეეძლება.
3) აუცილებელია სხვადასხვა სახის სიმულაცია
გეიტსის თქმით უნდა არსებობს სიმულაციური თამაშები, რომლებიც ინფექციონისტებსა და ექსპერტებს მოამზადებს იმისთვის, რომ პანდემიის დროს ეფექტურად იმოქმედონ. ისევე, როგორც ბრძოლისა და ომის წინ იწვრთნებიან სამხედროები.
გეიტსი აცხადებს, რომ აშშ-ს რესპირატორულ დაავადებათა ბრძოლაში საკმარისი გამოცდილება არ ჰქონდა და სწორედ ამიტომ ქვეყნის რეაგირება პანდემიაზე ეფექტური არ იყო.
„სიჩქარე აუცილებელია პანდემიის დროს. რაც უფრო სწრაფად იმოქმედებ, მით უფრო სწრაფად შეაჩერებ ვირუსის შემთხვევების ზრდას“,- განაცხადა ბილ გეიტსმა.
