BioNTech/Pfizer-ის კორონავირუსის ვაქცინა, სავარაუდოდ, ადამიანებს კოვიდ-19-ის „ომიკრონი“ ვარიანტით გამოწვეული დაავადების მძიმე ფორმებისგან დაიცავს,- ამის შესახებ კომპანია BioNTech-ის თანადამფუძნებელმა, უგურ შაჰინმა განაცხადა. ინფორმაციას ამის შესახებ Reuters-ი ავრცელებს.
„ჩვენ ვფიქრობთ, რომ სავარაუდოდ, ადამიანებს არსებითი დაცვა ექნებათ „ომიკრონით“ გამოწვეული მძიმე დაავადებისგან“, – აღნიშნა შაჰინმა.
BioNTech-ის თანადამფუძნებლის თქმით, ის მოელის, რომ ლაბორატორიული ტესტები აჩვენებენ, რომ ვაქცინის დაცვა მსუბუქი და ზომიერი დაავადებისგან გარკვეულწილად შემცირდება, მაგრამ ამ დანაკარგის მასშტაბის პროგნოზირება ჯერ რთულია.
„ჩემი აზრით, განსაკუთრებული შეშფოთების მიზეზი არ არსებობს. ერთადერთი, რაც მაწუხებს, არის ის, რომ არიან ადამიანები, რომლებიც საერთოდ არ არიან აცრილნი“, – განაცხადა მან.
