ევროპული საქართველოს ლიდერი, გიგა ბოკერია აცხადებს, რომ მხარს არ დაუჭერენ ექსპრეზიდენტ მიხეილ სააკაშვილის პრემიერმინისტრობის კანდიდატად წარდგენას.
მისი თქმით, ყველა პოლიტიკური ძალის უფლებაა, დაასახელოს ის, ვინც სურს, თუმცა ამ იდეას მხარს მაინც არ დაუჭერენ.
“თუ პროგნოზს მეკითხებით, რა თქმა უნდა, ვერ მოხერხდება კოალიციის შეკვრა”,- განუცხადა ბოკერიამ ჟურნალისტებს.
მან, ასევე, კომენტარი გააკეთა სააკაშვილის საქართველოში შესაძლო დაბრუნებასთან დაკავშირებით და განაცხადა, რომ რომ ისინი დაასრულებენ ვითარებას, როდესაც ვინმე შეიძლება “დევნილი” იყოს და არც “ახალი დევნილები” ეყოლებათ.
ცნობისთვის, გავრცელდა ვიდეორგოლი, რომელშიც მიხეილ სააკაშვილი ქართველებს ბოდიშს უხდის და ამბობს, რომ საქართველოში დაბრუნდება.
სააკაშვილის მიმართვას „ქართული ოცნება“ გამოეხმაურა.
