ოკუპირებულ აფხაზეთში, ბოლო 24 საათში კორონავირუსზე ტესტირება ჩაუტარდა 658 პირს. 149 მათგანს დადასტურდა Covid-19.
ამ დროისთვის ოკუპირებული გუდაუთის ცენტრალურ რაიონულ საავადმყოფოში 110 ადამიანი მკურნალობს. მათგან 94-ს აქვს COVID-19 დიაგნოზი. მძიმე მდგომარეობაშია 33 ადამიანი, 39 პაციენტის ჯანმრთელობა საშუალო სიმძიმისაა.
სოხუმის ინფექციურ საავადმყოფოში COVID-19 დადასტურებული დიაგნოზით 35 პაციენტია, ოჩამჩირეში-27, ტკვარჩალში 15, გაგრა 27 და სოხუმის რუსეთის სამხედრო ჰოსპიტალში 50 პაციენტი.
დღეის მდგომარეობით, აფხაზეთში კორონავირუსის გამოვლენილი შემთხვევების საერთო რაოდენობა 10 251-ია. გარდაცვლილია 145. 8010 ადამიანი გამოჯანმრთელდა.
კორონავირუსული ინფექციისგან მოსახლეობის დაცვის ოპერატიული შტაბი მოუწოდებს აფხაზეთის მოქალაქეებს დაიცვან ყველა საჭირო ზომები, რათა თავიდან აიცილონ ინფექცია.
ავტორი: თეა შონია
