დაავადებათა კონტროლის ეროვნული ცენტრის ხელმძღვანელი, ამირან გამყრელიძე 27 წლის ექთნის გარდაცვალებას ეხმაურება.

როგორც გამყრელიძე ამბობს, მას პრაქტიკაში ანაფილაქსიური შოკის არაერთი შემთხვევა ახსოვს.

„პირადად ჩემთვის ეს ძალიან მძიმეა რადგან მე ჩემი ცხოვრების ნაწილი იმ დარგს მივუძღვენი, რომლის გართულებაზეც ახლა არის საუბარი. ჩემი პრაქტიკის განმავლობში მინახავს ათეულობით შემთხვევა ანაფილაქსიური შოკის“,- აცხადებს გამყრელიძე.

ამირან გამყრელიძემ თვალსაჩიონებისთვის სტატისტიკაც მოიყვანა მაგალითად: 

2015 წელს – 47 შემთხვევა და ერთი გარდაცვალება

2016 წელს – 55 შემთხვევა და არც ერთი გარდაცვალება 

2017 წელს – 63 შემთხვევა და ორი გარდაცვალება 

2018 წელს – 69 შემთხვევა და 1 გარდაცვალება 

2019 წელს – 78 შემთხვევა და 2 გარდაცვალება 

2020 წელს – 40 შემთხვევა და არც ერთი გარდაცვალება 

მისივე თქმით, არც ერთი მსგავსი შემთხვევა ვაქცინაციასთან კავშირში არ ყოფილა და გამოწვეული იყო სხვადასხვა მედიკამენტით.

შეგახსნებთ, 27 წლის ექთანი, რომელსაც გუშინ, -„ასტრაზენეკას“ ვაქცინის გაკეთების შემდეგ სავარაუდოდ, გვერდითი რეაქცია – ანაფილაქსიური შოკი დაუდასტურდა, გარდაიცვალა.

გუშინვე, ცნობილი გახდა, რომ საქართველო „ასტრაზენეკათი“ ვაქცინაციას გააგრძელებს. გადაწყვეტილება ექსპერტთა ჯგუფმა ჯანდაცვის სამინისტროში გამართული შეხვედრის შემდეგ მიიღო.