ბრიტანელი მეცნიერების განცხადებით, ქვეყანაში გრძელვადიანი კოვიდის შემთხვევების რაოდენობა ბავშვებში შეშფოთებას იწვევს. ინფორმაციას ამის შესახებ Guardian-ი ავრცელებს.
Office for National Statistics (ONS)-ის კვლევის მიხედვით, 11 წლის ქვემოთ მყოფი ბავშვების 13%-ს კორონავირუსისგან გამოჯანმრთელების შემდეგ 5 კვირის განმავლობაში ვირუსის, სულ მცირე, ერთი სიმპტომი მაინც აღენიშნებოდათ. ეს მაჩვენებელი 12-16 წლის ასაკობრივ ჯგუფში 15%-ს შეადგენდა.
ცნობისთვის, პანდემიის დაწყებიდან დღემდე დიდ ბრიტანეთში კორონავირუსის 4,182,009 შემთხვევა დაფიქსირდა. ვირუსს 122,953 ადამიანის სიცოცხლე ემსხვერპლა.
გამოჯანმრთელებულთა რაოდენობა 2,959,884-ს შეადგენს.
