პოლიტიკიდან გასვლით მისი რესურსები და გავლენები არსად არ ქრება, – ამის შესახებ პარტია “სამართლიანობისთვის” ლიდერი ეკა ბესელია “მთავარი არხის” ეთერში აცხადებს.
მისივე თქმით, ივანიშვილი “ქართულ ოცნებას”უყურებს, როგორც “გაწურულ ლიმონს” და დამარცხებული პარტიის თავმჯდომარეობა არ უნდა.
“ფორმალურად გასვლა ამ პროცესიდან — მისთვის ეს არის გაცილებით კომფორტული, რადგან გავლენები დიდი აქვს, რესურსები ყველაზე მეტი. აქედან გასვლით ეს რესურსები და გავლენები არსად არ ქრება, რადგან სტატუსი დიდად არაფერში არ სჭირდება. გარდა პრობლემისა, არაფერი არ მოაქვს ამ სტატუსს იმიტომ, რომ ეს შესაძლებლობები, რაც ჰქონდა, აქვს, მაგრამ რომ დავინახოთ მის გარეშე რა არის ქართული ოცნება, არაფერი. კობახიძის გამო იმ პარტიაში არც არავინ არასდროს არ მისულა და არც მივა, ვინც არის ისიც წამოვა. ჩავთვალოთ, რომ ეს არის დასრულებული პროექტი და ქართულ ოცნებას ახლა ივანიშვილი უყურებს, როგორც გაწურულ ლიმონს. ჩავთვალოთ, უკვე დასრულებული პარტიაა. ესეც უწინასწარმეტყველა, რომ ოპოზიციაში იქნება მალე, ამიტომ დამარცხებული პარტიის თავმჯდომარეობა რატომ უნდა სჭირდებოდეს, როდესაც მას შეუძლია ისედაც მიიღოს ყველაფერი, რაც სურს, თუმცა ეს, რა თქმა უნდა, გავლენებს პროცესებზე მოახდენს”, – განაცხადა ეკა ბესელიამ მთავარი არხის ეთერში.
