ბრიტანეთის მიერ ჩინური სახელმწიფო ტელევიზიისთვის მაუწყებლობის ლიცენზიის გაუქმებიდან ერთი კვირის თავზე, ჩინეთმა BBC-ის მაუწყებლობა აკრძალა. აღნიშნულის შესახებ ინფორმაციას CNN იუწყება.

ჩინეთის ეროვნული რადიოსა და ტელევიზიის ადმინისტრაციის განცხადებით, „BBC მსოფლიოს ახალმა ამბებმა“ “ჟურნალისტიკის სამართლიანობისა და მიუკერძოებლობის პრინციპები დაარღვია~.

4 თებერვალს, ჩინეთის საგარეო საქმეთა მინისტრმა,  კორონავირუსის წინააღმდეგ ბრძოლასთან დაკავშირებული ამბების გაშუქების გამო, გამოცემა ცრუ ინფორმაციის გავრცელებაში დაადანაშაულა.

მომხდართან დაკავშირებით, BBC-ის წარმომადგენელმა განაცხადა, რომ გამოცემა იმედგაცრუებულია ჩინეთის მთავრობის ქმედებების გამო.

„BBC მსოფლიოს ყველაზე მეტად სანდო საერთაშორისო ახალი ამბების მაუწყებელია. იგი სამართლიან, მიუკერძოებელ და ობიექტურ ინფორმაციას ავრცელებს“ – ამბობს  BBC-ის  წარმომადგენელი.