ჩინეთში 10 აგვისტოს მერე კორონავირუსის ინფიცირების რეკორდული მაჩვენებელი – 32 შემთხვევა დაფიქსირდა. ინფორმაციას Guardian-ი ავრცელებს.

ჩინეთის ჯანდაცვის სამინისტროს ცნობით, ყველა შემთხვევა იმპორტირებულია. ახალი შემთხვევებიდან 13 შენსის პროვინციაში, 12 კი – შანხაიში დადასტურდა.

ჯანდაცვის ეროვნული კომისიის ინფორმაციით, ქვეყანაში, გასული დღე-ღამის განმავლობაში 20 ასიმპტომური შემთხვევაც გამოვლინდა.

შეგახსენებთ, რომ ჩინეთში კორონავირუსით ინფიცირების შემთხვევები 85,255-ს უდრის, ხოლო გარდაცვალების მაჩვენებელი 4,634-ს.