ჩინეთში გასული 24 საათის განმავლობაში კორონავირუსის 13 ახალი შემთხვევა დაფიქსირდა. ინფორმაციას Reuters-ი ავრცელებს.
ქვეყნის ჯანდაცვის კომისიის ინფორმაციით, ყველა ახალი შემთხვევა იმპორტირებულია.
გარდა ამისა, ჩინეთში კორონავირუსის 33 ასიმპტომური შემთხვევა გამოვლინდა.
ეპიდემიის დაწყების შემდეგ ქვეყანაში კორონავირუსით ინფიცირების 85,685 შემთხვევა დაფიქსირდა. გარდაიცვალა 4,634 ადამიანი.
