აბაშა, მარტვილი, ჩხოროწყუ, წალენჯიხის მაჟორიტარი დეპუტატის მმართველი პარტიიდან ალექსანდრე მოწერელიას ჩხოროწყუს მუნიციპალიტეტის ბიუროს ხელმძღვანელმა გოგა თოლორდავამ თანამდებობა დატოვა.
ინფორმაცია “პრაიმტაიმ ნიუსს” ჩხოროწყუს მერმა და რაიონში მმართველი პარტიის თავმჯდომარემ, დავით გოგუამ დაუდასტურა.
“დიახ, გოგამ მართლაც დატოვა ბიურო, რადგან ალექსანდრე მოწერელიას გადაწყვეტილება მისთვის მიუღებელია.
იგი გახლავთ “ქართული ოცნების” გუნდის წევრი, ახალგაზრდული ორგანიზაციის ხელმძღვანელი და საკრებულოს დეპუტატი.”, – აცხადებს დავით გოგუა.
მოწერელიას ჩხოროწყუს ბიუროს ხელმძღვანელი გოგა თოლორდავა ჩვენს სატელეფონო ზარებს არ პასუხობს.
ჩხოროწყუს მერის დავით გოგუას თქმით, ალექსანდრე მოწორელიას, როგორც ამ რაიონის მაჟორიტარ დეპუტატს აკისრია ვალდებულებები ჩხოროწყუელების წინაშე, რომელსაც იგი დამოუკიდებელი დეპუტატის რანგში გააგრძელებს.
შეგახსენებთ, მმართველი პარტია 6-მა დეპუტატმა დატოვა და ისინი ყოფილი პრემიერის, გიორგი გახარიას გუნდში გადავიდნენ, მათ შორის არის ალექსანდრე მოწერელიაც.
