ჩოხატაურის მუნიციპალიტეტის მერიის საფინანსო სამსახურის უფროსს, კორონავირუსი დაუდასტურდა. ეს ინფორმაცია „პრაიმტაიმნიუსს“ ჩოხატაურის მერმა ირაკლი კუჭავამ დაუდასტურა.
„საფინანსო სამსახურის უფროსს დაუდასტურდა ვირუსი, შაბათ-კვირას იგრძნო ვირუსისთვის დამახასიათებელი სიმპტომები, ორშაბათს სამსახურში აღარ მოსულა. მერია დისტანციური მუშაობის რეჟიმზე გადავიდა, გარდა აუცილებელი საჭიროებისა, მუშაობა ონლაინ მიმდინარეობს. დაწყებულია კონტაქტების მოძიება, ყველა გაიტესტება. მერიაში კაბინეტები და მთლიანი შენობა ყველა რეკომენდაციის გათვალისწინებით დამუშავდება“, – გვითხრა კუჭავამ.
რეგიონის ეპიდემიოლოგები, მთავრობის საკოორდინაციო საბჭოს ახალ რეკომენდაციებს ელოდებიან და ჯერჯერობით უცნობია მონაცემები, თუ რამდენი შემთხვევაა დაფიქსირებული ბოლო 24 საათის განმავლობაში.
ავტორი: ნინე ულუმბელაშვილი
