საკანონმდებლო ორგანოში საარჩევნო რეფორმასთან დაკავშირებით რიგით მეორე შეხვედრა მიმდინარეობს. სამუშაო შეხვედრაზე მოწვეულები არიან საერთაშორისო და არასამთავრობო ორგანიზაციები, რომლებიც წარუდგენენ თავიანთ შენიშვნებს და მმართველ გუნდთან, ასევე პარტია „მოქალაქეების“ წევრთან ლევან იოსელიანთან ერთად განიხილავენ.
საიას წევრის ვახუშტი მენაბდის განცხადებით, მათ სამუშაო ჯგუფს გადაუგზავნეს თავიანთი შენიშვნები და აღნიშნულს კიდევ ერთხელ შეხვედრაზე გააჟღერებენ.
„ჩვენ მივიღეთ პირველადი ვერსია პარლამენტისგან აღნიშნული კანონპროექტის, თუმცა, სიმართლე გითხრათ, უფრო ამბიციურს ველოდებოდით, ჩვენი რეკომენდაციები ძალაში რჩება.
1. საარჩევნო ადმინისტრაციის იმგვარი დაკომპლექტება, რომელიც უზრუნველყოფს ოპოზიციის გარანტირებულ ჩართულობას, რაც გულისხმობს იმას, რომ ოპოზიციის გარეშე ვერ უნდა დაინიშნონ ცენტრალური საარჩევნო კომისიის წევრები.
2. პროპორციული ასპექტის უფრო მეტად გაზრდა, ვიდრე ეს არის წარმოდგენილ პროექტში მოცემული.
3. მიმდებარე ტერიტორიაზე, ვგულისხმობ უბნების მიმდებარე ტერიტორიაზე პერიმეტრს, სადაც დასაზუსტებელია მთელი რიგი საკითხები,რომელიც დაშლილია მემორანდუმში“,- განაცხადა ვახუშტი მენაბდემ.
