„ჩვეულებრივისგან განსხვავებით, უფრო სწრაფად გავრცელების უნარი აქვს“ – ამის შესახებ დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ რუსთავი 2-ის ეთერში განაცხადა.
„არაფერი განსხვავებული პროტოკოლი მკურნალობის არ არსებობს ინდურ შტამზე. ზუსტად ისეთივეა როგორიც დღეს ჩვენში ყველაზე უფრო ფართოდ გავრცელებული ე.წ ბრიტანული შტამის და მანამდე რაც იყო, ე.წ კლასიკური, ვუჰანის ან ევროპული შტამები. დიდი განსხვავება ნამდვილად არ არის არც მკურნალობაში.
ერთადერთი, რაც ამ შტამს, ისევე როგორც ბრიტანულ შტამს ახასიათებდა ჩვეულებრივისგან განსხვავებით არის ის, რომ ის უფრო ადვილად გადადის ადამიანიდან ადამიანზე და შესაბამისად, უფრო სწრაფად გავრცელების უნარი აქვს“, – განაცხადა პაატა იმნაძემ.
ცნობისთვის, გუშინ, საქართველოში კორონავირუსის ინდური შტამის 5 შემთხვევა დადასტურდა.
