საქალაქო სასამართლოსთან, სადაც ადვოკატ მიხეილ რამიშვილი მაგისტრი მოსამართლის თანდასწრებით დაიკითხა, კოლეგები და ბაჩალიაშილის ოჯახის წევრები არიან შეკრებილები.
გარდაცვლილის დედის, თეონა თამაზაშვილის განცხადებით, მიხეილ რამიშვილის მიმართ უპრეცედენტო ქმედებები ხორციელდება, რადგან მისი საქმიდან ჩამოშორება სურთ.
„მე მიხეილ რამიშვილის მხარდასაჭერად მოვედი, რადგან მსოფლიოს არ ახსოვს ასეთი პრეცედენტი – ადვოკატს წაართვან ტელეფონი, ნაცვლად, მკვლელები ეძებონ, იპოვონ და მათ ებრძოლონ.
თან თვალებში ნაცარს გვაყრიან, ერთი მხარე ვართო, როდის იყო, ერთი მხარე ერთმანეთს ებრძოდა. დიდი ხანია რამიშვილის ჩამოშორება უნდათ და ახლა საბაბი მიეცათ. მიუხედავად იმისა, რომ კაცმა წყარო დაასახელა. ბატონმა დავითმაც დაასახელა და თქვა, რომ ვინაობა გაესაჯაროვებინათ.
თეონა თამაზაშვილის თქმით, მისი წყარო ადამიანი არ არის, მას სტატია აქვს ინტერნეტსივრცეში წაკითხული.
„ჩემი წყარო ფურცხვანიძე არ არის, მოიძიეთ ინტერნეტში ინგლისურენოვანი სტატია, იქაც იმავეზეა საუბარი.
პროკურატურის დასკვნა ჩემთვის სარწმუნო იმ შემთხვევაში იქნება, როცა ესენი დამიმტკიცებენ, რომ მანქანა იქ იდგა, მაშინ ხელებს ავწევ, საჯაროდ ვაღიარებ, რომ ჩემმა შვილმა თავი მოიკლა და წავალ სახლი, ვიგლოვებ. წინააღმდეგ შემთხვევაში, არანაირ ზეპირსიტყვიერებას არ დავთანხმდები“, – ამბობს გარდაცვლილის დედა.
