დამოუკიდებელი დეპუტატების ნაწილი საქართველოს ყოფილ პრემიერ-მინისტრთან, გიორგი კვირიკაშვილთან კონსულტაციებს მართავს, თუმცა ჯერ კვლავ უცნობია დაბრუნდება თუ არა კვირიკაშვილი აქტიურ პოლიტიკაში.
დეპუტატი მარიამ ჯაში „პრაიმტაიმთან“ საუბრისას ამბობს, რომ ახალად შექმნილი პარტიის – „ჩვენი საქართველო-სოლიდარობის ალიანსის“ წარმომადგენლები გიორგი კვირიკაშვილთან მუდმივ კომუნიკაციაში არიან.
„როგორც ყოფილი თანაგუნდელი, უაღრესად დიდ პატივს ვცემ გიორგი კვირიკაშვილს და მიმაჩნია, რომ ის ერთ-ერთი გამორჩეული პრემიერ-მინისტრი იყო და ასევე, პროფესიონალი. თუკი ის პოლიტიკაში დაბრუნების გადაწვეტილებას მიიღებს, ბუნებრივია, მხოლოდ მისასალმებელი იქნება.
–ქალბატონო მარიამ, იმ შემთხვევაში, თუ გიორგი კვირიკაშვილი პოლიტიკაში დაბრუნდა, მას თქვენს ახლად დაფუძნებულ პარტიაში ვიხილავთ?
-ნამდვილად რთულია ჩემთვის ამ კითხვაზე პასუხის გაცემა, რადგან ჩემი დამოკიდებულება ყოველთვის იყო, რომ თუკი გიორგი კვირიკაშვილი მიიღებდა გადაწვეტილებას, რომ ჩამოეყალიბებინა გუნდი, მე მზად ვიყავი ამ გუნდში გაწევრიანებისთვის.
რაც შეეხება თქვენს კითხვას, ვფიქრობ, უხერხულია ამ ეტაპზე თუნდაც საუბარი, რომ მისი პოზიციის გარეშე მოხდეს რაიმე განცხადების გაჟღერება. ჩემთვის ყოველთვის იქნება პატივი გიორგი კვირიკაშვილის გვერდით დგომა ნებისმიერ პოლიტიკურ მოცემულობაში, მაგრამ სამწუხაროდ, პოლიტიკაში დაბრუნებასთან დაკავშირებით, მას არ აქვს ჯერ გადაწვეტილება მიღებული.
ვრცლად ამ თემის შესახებ ნახეთ Primetime.ge-ზე.
