პოლიტიკის ექსპერტი გია ხუხაშვილი IRI-ის კვლევას ენდობა. როგორც მან „პრაიმტაიმნიუსთან“ საუბრისას განაცხადა, დიდია შანსია, რომ „ქართულმა ოცნებამ“ არჩევნებში 36% აიღოს.
მისივე თქმით, ყველაფერი დამოკიდებულია იამზე, გადაუწყვეტელ ამომრჩეველს ოპოზიცია გადაიბირებს თუ ხელისუფლება.
„ამ კვლევის შედეგები რეალისტურია, თუმცა ეს იმას არ ნიშნავს, რომ „ქართულმა ოცნებამ“ ვერ აიღოს 50-ს პლიუს ერთი პროცენტი, რადგან ჩვენ გვყავს ძალიან დიდი რაოდენობით გადაუწყვეტელი ამომრჩეველი, რომელიც რაღაც პროპორციით გადანაწილდება.
პირდაპირ გეტყვით, მცდარი წარმოდგენაა, როცა ოპოზიცია ამ ამომრჩეველს თავის ყულაბაში მიიწერს, რადგან ამ გადაწყვეტილ ამომრჩეველს არავინ მოსწონს.
თუ ეს ამომრჩეველი დარჩა რეალური არჩევანის გარეშე, ის უფრო ხელისუფლებისკენ გადაიხრება, ვიდრე ოპოზიციისკენ. ასე, რომ ამ კვლევის შედეგებით ჩანს ერთი რამ – ხელისუფლებას აქვს უპირატესობა, მაგრამ ეს არ არის გადამწყვეტი უპირატესობა, რომელიც გარანტირებულად უზრუნველყობს მათი მხრიდან ხელისუფლების შენარჩუნებას. ინტრიგა ჯერ კიდევ ძალაშია, დამშვიდების საფუძველი არც ოპოზიციას აქვს და მითუმეტეს, არც ხელისუფლებას.
გადაუწყვეტელი ამომრჩეველი თავის არჩევანს აკეთებს არჩევნებამდე ორი კვირით ადრე, ჩვენ შესაძლოა, მივიღოთ გარკვეული სიუპრიზები, თამაში ჯერ კიდევ გრძელდება“,- განაცხადა ხუხაშვილმა.
ინფორმაციისთვის, IRI-ის კვლევის მიხედვით, მომდევნო კვირას არჩევნები რომ ტარდებოდეს, „ქართული ოცნებას“ 33% მისცემდა ხმას, ხოლო „ნაციონალურ მოძრაობას“ – 15%.
