დანიამ Oxford/AstraZeneca-ს კორონავირუსის ვაქცინის გამოყენება დროებით შეაჩერა. ინფორმაციას ამის შესახებ Guardian-ი ავრცელებს.
აღნიშნული გადაწყვეტილება ქვეყანამ მას შემდეგ მიიღო, რაც ვაქცინაციის შემდეგ რამდენიმე ადამიანს სისხლის შედედებასთან დაკავშირებული პრობლემები გამოუვლინდა.
ცნობისთვის, პანდემიის დაწყებიდან დღემდე დანიაში კორონავირუსის 218,660 შემთხვევა დაფიქსირდა. ვირუსს 2,384 ადამიანის სიცოცხლე ემსხვერპლა.
გამოჯანმრთელებულთა რაოდენობა 208,020-ს შეადგენს.
