„ჩვენ დარწმუნებული ვართ, რომ მალე ვიხილავთ ოპოზიციის გაზრდილ წარმომადგენლობას პარლამენტში“ – ამის შესახებ ფრაქცია „ქართული ოცნების“ თავმჯდომარის პირველმა მოადგილემ გივი მიქანაძემ განაცხადა.
,,ეს ანგარიში 100 გვერდზე მეტია, რომელიც საჯარო სივრცეშია გამოქვეყნებული. ყოვლისმომცველია. დეტალურ ინფორმაციას წარმოადგენს იმ საქმიანობაზე, რაც მე-9 მოწვევის პარლამენტმა განახორციელა. აქ საუბარია იმ საბოტაჟზეც, რომელსაც რადიკალური ოპოზიციის ნაწილი ინარჩუნებს.
ჩვენ დარწმუნებული ვართ, რომ მალე ვიხილავთ ოპოზიციის გაზრდილ წარმომადგენლობას პარლამენტში. ამერიკის ელჩმა კიდევ ერთხელ მოუწოდა ოპონენტებს მიიღონ საზოგადოებისთვის მნიშვნელოვანი გადაწყვეტილება და აქტიურად ჩაერთონ საპარლამენტო საქმიანობაში“, – განაცხადა გივი მიქანაძემ.
