დავით გარეჯის საქმე რომ თავიდანვე წინასაარჩევნოდ იყო დაწყებული, ამაში ეჭვი მგონი არავის გვეპარება, – ამის შესახებ „მოქალაქეების” ერთ-ერთმა ლიდერმა, ლევან იოსელიანმა განაცხადა.
„მე რაც ვნახე, ამას იყენებდა კიდეც ერთ – ერთი ტელეარხი, როგორც პროპაგანდის საშუალებას, არ გამიკვირდება, რომ საქმეში პოლიტიკური შემადგენელი იყოს ძალიან დიდი. მე საქმეს არ ვიცნობ და გამიჭირდება არსებითად საქმეზე ლაპარაკი, თუ რა მტკიცებულებები არის და არ არის, სახალხო დამცველს აქვს საშუალება, რომ ამ საქმეს გაეცნოს,”- განაცხადა იოსელიანმა.
ცნობისათვის, სახალხო დამცველმა, ნინო ლომჯარიამ „კარტოგრაფების საქმესთან” დაკავშირებით, თბილისის საქალაქო სასამართლოს „სასამართლო მეგობრის“ მოსაზრებით მიმართა.
