პარლამენტის ვიცე-სპიკერის, დავით სერგეენკოს განცხადებით, მინისტრთა კაბინეტის ცვლილება რეფორმების გადახედვას გამოიწვევდა, რისი ფუფუნებაც ახლა ხელისუფლებას არ აქვს.
„რეალურად არის საომარი ვითარება, რაც პანდემიამ შექმნა, არის ბრძოლა უხილავ მტერთან. სამთავრობო გუნდმა, პრემიერ-მინისტრმა და პარტიამ გადაწყვიტა, რომ ამ ეტაპზე არ იქნებოდა სწორი ცვლილებების განხორციელება, რადგან მიმდინარე პროცესები უწყვეტ მართვას საჭიროებს. მინისტრთა ცვლილებები გამოიწვევდა რეფორმების გადახედვას, ერთგვარ „რესტარტებს“, რომლის უფლება და ფუფუნებაც ახლა არ გვაქვს”, – განუცხადა ჟურნალისტებს დავით სერგეენკომ.
