ეს წელი განსაკუთრებით გამოწვევებით იქნება სავსე. ჩემი რეკომენდაცია ყველა პარტიისთვის არის ის, რომ საქართველოს ინტერესი პირველ ადგილზე დააყენონ, – ამის შესახებ საქართველოში ამერიკის შეერთებული შტატების ელჩმა, კელი დეგნანმა „რუსთავი 2“-ის ეთერში განაცხადა.
„ჩემი რეკომენდაცია ყველა პარტიისთვის არის ის, რომ საქართველოს ინტერესი პირველ ადგილზე დააყენონ. მათ ესმით, რა არის ქართველი ამომრჩევლის პრიორიტეტი, ესაა სამუშაო ადგილები, ეკონომიკა და ჯანდაცვა. მათ უნდა იპოვონ გზა, რომ მოაგვარონ მათი უთანხმოება, რათა შეძლონ იმ პრიორიტეტებზე მუშაობა, რომელთა წინაშეც საქართველო დგას. ეს წელი განსაკუთრებით გამოწვევებით იქნება სავსე, მოლაპარაკებები მთლიანად მხარეებზე დამოკიდებული. თუ ისინი მოლაპარაკებებისა და გამოსავლის პოვნისთვის მზად არიან, მაშინ ჩვენ, ფასილიტატორები მზად ვართ დავეხმაროთ ნებისმიერი გზით, რითაც შეგვიძლია“, – განაცხადა დეგნანმა.
