სურსათის ეროვნულმა სააგენტომ, ხორცის 6 ობიექტს საწარმოო პროცესი შეუჩერა.
საუბარია დეზერტირების ბაზრის მიმდებარე ტერიტორიაზე არსებულ ეგრეთ წოდებულ “გვირაბზე“, სადაც წინა წლებშიც ხშირად აღინიშნებოდა დარღვევები.
შემოწმებული 10 ობიექტიდან, კრიტიკული შეუსაბამობების გამო, დაჯარიმდა და საწარმოო პროცესი შეუჩერდა 6 ბიზნესოპერატორს.
ინსპექტირების შედეგად, დაილუქა გაურკვეველი წარმომავლობის 40 კილოგრამი ხორცი, რომელიც კანონმდებლობის შესაბამისად, სააგენტოს უფლებამოსილი პირის ზედამხედველობით განადგურდა.
