დღეიდან ავსტრიაში საყოველთაო ლოკდაუნის რეჟიმი ამოქმედდება.
როგორც ავსტრიის კანცლერი ამბობს, ამ ეტაპზე სხვა გამოსავალი არ არის.
„კორონავირუსთან დაკავშირებული სიტუაციის სერიოზულობის გამო, სხვა არჩევანი არ გვრჩება. შეზღუდვები უნდა დავაწესოთ ყველასთვის, რათა ჩვენი თავი და ჯანდაცვის სისტემა დავიცვათ. 22 ნოემბრიდან საყოველთაო ლოკდაუნი გამოცხადდება, რომელიც 10 დღის შემდეგ გაანალიზდება და 13 დეკემბერს ავტომატურად დასრულდება“, – აღნიშნა ავსტრიის კანცლერმა.
ლოკდაუნის რეჟიმის ფარგლებში, შეჩერდება კულტურული დაწესებულებების, სავაჭრო ცენტრების, სასტუმროების, საშობაო ბაზრობების, სილამაზის სალონების, კაფეებისა და რესტორნების მუშაობა. გარდა ამისა, უქმდება მასობრივი ღონისძიებები და სახლიდან გასვლაზე შეზღუდვა წესდება.
ლოკდაუნის რეჟიმი 13 დეკემბრამდე გაგრძელდება.
