დღეიდან სკოლაში ონლაინ სწავლების მსურველთა რეგისტრაცია იწყება. შესაბამის ინფორმაციას საქართველოს განათლების, მეცნიერების, კულტურისა და სპორტის სამინისტრო ავრცელებს.
ონლაინ სწავლებაზე განაცხადის შევსება/რეგისტრაციის გაუქმება მშობლებს ყოველ ოთხშაბათს 00:00-23:59 საათის შუალედში შეეძლებათ. სწორედ ამ დროს იქნება ღია სარეგისტრაციო ველი.
მშობლებმა ბავშვები განათლების სამინისტროს ვებ-გვერდის მისამართზე online. emis.ge-ზე უნდა დაარეგისტრირონ. ასევე განცხადებით უნდა მიმართოს სკოლის ადმინისტრაციას.
შეგახსენებთ, რომ საკოორდინაციო საბჭოს გადაწყვეტილებით, 15 თებერვლიდან თბილისის, ქუთაისისა და რუსთავის ზოგადსაგანმანათლებლო სკოლებში სასწავლო პროცესი საკლასო ოთახებში გაგრძელდება.
