„ნამახვანჰესის” მშენებლობის მოწინააღმდეგეები დღეს სხვადასხვა ქალაქში აქციას გამართავენ. აქცია 16:00 დაიწყება, ამის შესახებ „ნამახვანჰესის” მშენებლობის წინააღმდეგ მიმართული აქციის ერთ-ერთმა ორგანიზატორმა ვარლამ გოლეთიანმა ჟურნალისტებთან განუცხადა.
“დღეს, 16:00 საათისთვის სხვადასხვა ქალაქში იგეგმება აქციები. ეს არის დღევანდელი დღის გეგმა. რაც შეეხება აქციების თბილისში გადატანას, ვაანონსებთ თარიღს, 23 მაისს. ფიზიკურად ვერ ვახერხებთ, მნიშვნელოვანი დღეები მოდის, ვნების კვირა, აღდგომის დღესასწაული, შემდეგ სხვადასხვა თარიღები გადაკავებულია, მაქსიმალურად გადავწიეთ ჩვენი ძირითადი აქციის ჩატარება დედაქალაქში“,-აცხადებს გოლეთიანი.
