დღეს მმართველი გუნდი შემაჯამებელ შეკრებას მართავს. თავისუფლების მოედანზე უკვე მზად არის სპეციალური სცენა, სადაც პოლიტიკური გამოსვლები ხუთი საათისთვის დაიწყება.
“ქართულ ოცნებაში” ამბობენ, რომ შეკრება არავის წინააღმდეგ არ არის მიმართული და ის ხელისუფლებამ ჯერ კიდევ წინასაარჩევნოდ დააანონსა.
“მე მგონია, რომ დღევანდელი აქცია კიდევ ერთხელ ცხადყოფს და ყველას დაანახებს, მათ შორის ჩვენს საერთაშორისო პარტნიორებს, მათ შორის ჩვენს საერთაშორისო მეგობრებს და ამ თუ იმ ქვეყნებს და რაც მთავარია თითოეულ ჩვენგანს, რომ სიძულვილს არ აქვს გაქანება,” – აცხადებს პარლამენტის ფრაქცია ”ქართული ოცნების” წევრი, ირაკლი ზარქუა.
