დღეს საქართველოში ბანკირის დღე აღინიშნება. ამის შესახებ ინფორმაციას საქართველოს ეროვნული ბანკი ავრცელებს.
2001 წელს ამ დღის დაარსება საადგილმამულო ბანკის ერთ-ერთი დამფუძნებლისა და მისი პირველი მმართველის, ილია ჭავჭავაძის დაბადების დღეს დაუკავშირეს. ილია ჭავჭავაძე 1837 წლის 8 ნოემბერს დაიბადა.
2016 წლიდან მიმოქცევაში გავიდა განახლებული 20 ნომინალის ბანკნოტები. 20 ლარის ნომინალის ბანკნოტზე სწორედ დიდი ქართველი მწერლისა და საზოგადო მოღვაწის, ილია ჭავჭავაძის პორტრეტია გამოსახული.
