2020 წლის საპარლამენტო არჩევნების საგამოძიებო კომისიის ფორმატში, დღეს შემთხვევითობის პრინციპით შერჩეული უბნების გადათვლა დაიწყება, ამის შესახებ კომისიის თავმჯდომარემ გივი მიქანაძემ განაცხადა.
„მედიას ექნება ნებისმიერ დროს სრული დაშვება ორივე ოთახში, როგორც კამერებს, ასევე ჟურნალისტებს რომ დააკვირდნენ მიმდინარე პროცესებს. გადათვლას განახორციელებს შემთხვევითობის პრინციპით შერჩეული 12 პროფესიონალი მთვლელი.
ორ ოთახში ექვს-ექვსი იქნება გადანაწილებული. ამ პროცესს მეთვალყურეობას გაუწევს კომისიის ორ-ორი წევრი-ერთი უმრავლესობიდან, ერთი ოპოზიციიდან“, – აღნიშნა მიქანაძემ.
