“დღეში 3-5 ათასი ადამიანის ვაქცინირება რომ დავიწყოთ, შედეგი შემოდგომისკენ იქნება, – ასე რომ, ეს თვეები, ვაქცინაციის ტემპის მიუხედავად, საფრთხილოა, – ამის შესახებ პარლამენტის ვიცე-სპიკერმა დავით სერგეენკომ განაცხადა.
“გეგმა, რომელიც არის მოსახლეობის 60%-ის აცრა, რა თქმა უნდა, არსებული ტემპებით რთული იქნება, რომ იყოს მოცული, თუმცა, მაგალითად, მე „ასტრაზენეკას“ ვაქცინით გუშინ ავიცერი. თავიდან, როცა 55 წელზე ჩამოიწია, დარეგისტრირება ვერ შევძელი, რადგან ყველა საიტი შევსებული იყო. გუშინ რესპუბლიკურში კაბინეტების რაოდენობა გაიზარდა და ამდენად აცრის გაკეთება შევძელი. დინამიკა არის მზარდი. ის, რომ დღევანდელი ტემპით გეგმის შესრულება ვერ მოხერხდება, არ ნიშნავს, რომ მთლიანად ასე იქნება. ვაქცინების რაოდენობა გაიზრდება და გაიზრდება საიტების რაოდენობა.
რეალურად მთელ მსოფლიოშია ტენდენცია, როცა ინფიცირების შემთხვევების რაოდენობა იზდება. ამის მოლოდინი და პროგნოზები არსებობდა. ამისგან დაცვა არის ნიღაბი, დისტანცია, ხელების დამუშავება და მობილობის შემცირება. მეორე მხრივ, ვაქცინაცია”, – განაცხადა დავით სერგეენკომ.
