არგენტინის პოლიციამ დიეგო მარადონას პირადი ექიმის, ლეოპოლდო ლუკეს სახლსა და კლინიკაში ჩხრეკა ჩაატარა. ინფორმაციას Deutsche Welle ავრცელებს.
როგორც გამოცემა იტყობინება, ჩხრეკა მას შემდეგ ჩატარდა, რაც სამართალდამცველებს მარადონასა და მის 39 წლის ექიმს შორის ჩხუბის შესახებ შეატყობინეს, რა დროსაც ხელის კვრასაც ჰქონდა ადგილი.
შეგახსენებთ, რომ დიეგო მარადონა 60 წლის ასაკში გარდაიცვალა.
არგენტინის პროკურატურა დიეგო მარადონას გარდაცვალების ფაქტს იძიებს.
