ეგვიპტე და ყატარი დიპლომატიური ურთიერთობების აღდგენაზე შეთანხმდნენ. ამის შესახებ უცხოური მედია წერს.
„ეგვიპტის არაბულმა რესპუბლიკამ და ყატარის სახელმწიფომ დღეს, 20 იანვარს, ოფიციალური ნოტები გაცვალეს, რომლის თანახმადაც, ორი ქვეყანა დიპლომატიური ურთიერთობების განახლების შესახებ შეთანხმდა”, – ნათქვამია განცხადებაში.
ცნობისათვის, ეგვიპტემ, საუდის არაბეთმა, ბაჰრეინმა და არაბთა გაერთიანებულმა საამიროებმა ყატართან დიპლომატიური ურთიერთობები 3 წლის წინ გაწყვიტეს.
